هايْ شـلونْ ويّـاكْ يا رفـيق أﭘـرم شـبيـرا ميوقـرا ؟( الحـلقة الأولى )

كـتبتُ مرتـَين بالعـربي الفـصيح إلى السيد أبـرم شـبـّيـرا عـلى الرابطـَين التاليـين حاسباً أنه سيستزود عِـلماً لم يتــَـلـقــّاه سابقاً :الأول http://www.nadibabil.com/nadibabil//1849 ،
والثاني http://www.ankawa.com/forum/index.php/topic,174618.0.html
رداً عـلى مقالتــَيه المنشورتـَين عـلى الرابطـَين :
الأول http://www.ankawa.com/forum/index.php/topic,167612.0.html
والثاني http://www.ankawa.com/forum/index.php/topic,174163.0.html
وقـبل أيام قـرأتُ مقاله الأول http://www.ankawa.com/forum/index.php/topic,193891.0.html والثاني http://www.ankawa.com/forum/index.php/topic,195121.0.html ، وقـد وعـد بمقال ثالث ونحـن بإنـتظاره ، فـخـرجـتُ منها بنـتيجة مفادها أن الكـتابة إليه باللغة العـربـية الفـصحى لم تعـد مجـدية ، فـقـررتُ المحاولة هـذه المرة الكـتابة إلى حـضرته باللهـجة العامّية العـراقـية ( كما يـبـدو من عـنوان هـذا المقال ) لأراقـب مردودها من جـهة ، وكـتجـربة جـديـدة من جـهة أخـرى ، أدرس نـتائجـها بعـد موسم هـطول الأمطار بعـد أنْ تكـون الأرض قـد تشبّعـتْ بالماء ، فـنـتفـحّـص الزرع من الإحـتمالات المعـروفة لـدى الفـلاحـين ولدينا ، ثم نهيّء العلاج المناسب لها ، منـتظرين بشغـفٍ موسم الحـصاد .
أﮔـول حْـبَـيّـبْ ، أخـويْ أﭘـرمْ ؟ عـنـدكْ قاموس لو ما عـنـدكْ ؟ د شوفــْلـَـك واحـد وْ دَوّرْ عـلى ( كـلمة : مـذهـب ـ قـومية ) بس لا تـتـْـوهّـمْ وتاخـذلكْ قاموس سنسكـريتي والقارىء فـنطازي ! بْـهَـلْ حالة ما سَـوّينا شي ، دير بالـَكْ أخــُذلـَكْ قاموس يَعْـرُبي أصيل . زين ؟ منْ هـذا مالْ أخْ لأخـو، طيّب وْ بعـدين ؟ نسيتْ أﮔــُـلــّـكْ فــَد شي ، الإخـوة سبقـوني بْـكتاباتـْهُـم إلــَـكْ مباشرة ، منصور ياقـو ، حـبـيب تومي ، نزار ملاخا ، والبعـض لـَمّـحـو عَـليكْ منْ بعـيـد لبْـعـيدْ ، لكنْ آني إنـتـظــَرتْ حـتى تكـْـمَل مقالاتــَك ، وْ فـَدْ مَرّة أجاوبْ عـليها صَـلي ، ولكـن ﮔـَـبلْ ما تكـتبْ الثالثة ، آني بَـلــّشتْ ، شتـﮔولْ ؟ بويا ، منْ كـُـثرْ ما حـﭽـينا ، لو حاﭽـينْ ويّا غـيركْ هَـمْ ﭽـانْ صارَتْ بيه ساﮔـيَة . مَوضوعَـك رقـمْ 1 تحْـﭽـي عـن نفـسَكْ وتـﮔولْ بـيه [ استخدمْ التسمية الكدانية أو الكلدان في هذا الموضوع حصرياً بأتباع الكنيسة الكلدانية الكاثوليكية ] ، يابا ! أخاف صارَتْ زحْمة ؟ ولويش ها التــَكْـلـُفة ؟ خـَـلـّيني أناقــْشَـكْ منْ غـير باب: ما دَ تــْشوف من هـذا أنــّـكْ نسيتْ نفـسَك لمّـا تكـتبْ : "" الكـنيسة الكاثوليكية الكـلـدانية "" هـل بإمكانك أن تعْـربْـها ؟؟ الكاثوليكـية ! وْ فــْـتهَـمْـناها مذهَـبْ ، ولكـن ما هي الكـلدانية ؟؟ هَـم مذهَـبْ ؟؟ أنت تقـبل ؟؟ ليش الكاثوليكية والكلدانية نفـس المعـنى ؟؟ إذا كانت نفـس المعـنى ، هـل يجـوز نـﮔـولْ كـنيسة أورْﮔــْوايْ أوالأرجـنـتين الكـلدانية ؟؟ عـلى إعـتبار انّ كـنيسة أورْﮔــْوايْ أو الأرجـنتين هـيّه كاثوليكـية ؟؟ غـير لازم هَـمْ نــْجـيـبْ المنطق بالنـُصْ ؟ شي ثاني : أرجَـعْ شْـوَيّـا لِـوَرا و شوف بكـتاب الـ حُـضـْرا اللي يقــْرو بكـلّ الكنائس المشرقـية وكـنيستكْ الموقـرة أيضاً صفـحة 364 النشيـد التاسعْ مالْ يوم الجـمعة لـْـعَـصرْ ، اللي مْألــّـفـيه بالقـرن الرابع الميلادي يَعْـني سنة 300 + شْوَيّا ، وْ أقـرأ - قالا دْ تشْـعا دْ رَمْشا د عْـروتا ـ البـيتْ الأوّل يـﮔولْ : هالينْ كُـلـْهـينْ ﮔــْـدَشْـلــَنْ وْلا طــْعـيلــَنْ ...... وْ البـيتْ التاسع يـﮔول: إيرَمرْمَخْ مارْ مَـلـْكا.... تــْهَـرْ كـَـلــْـذاييه كـَـذ قــَـيْمينْ .... ومعـناها ، إنــْبَهَـرَ الكـلـدانيّون . عـظيم والعـظمة للرب ، باوعْ زينْ عَـلى كـلمة (( كـَـلــْـذاييه )) وْ إسـألْ نفـسَـكْ منو هُـمّا هَـذولا ؟ هَـمْ ﭽـانـَو كاثوليك بْـذاك الوَكـتْ ؟ وَلاّ ﭽـانـَو ـ قــْـليبايـيه ـ ؟؟ وينْ ﭽـانـَو الآخـرين الباقـينْ ؟ وْليشْ ما نــْـذكـَرْ إسمْ الباقـين ؟ وآني ما دَ أنـْـكـرْ وجـودهُـم ، الله يشْـهَـد . شي آخـَر ، ﮔــُـلـّي عـنـْـدَكْ عـلم بخـَتمْ مار شمْعـون النسطوري (( مْـحـيلا شمعـون ﭘـَـطـْرَك دْ كـَـلـْـداييه )) مو بَسْ هايْ ، ولكـنْ يرحَـمْ والــْديكْ نـْريـدْ تـفـسيرْ (( شمعون النسطوري الكـلداني )) ، ممكـن ؟؟ وْ أخـُـذلـَكْ مثال ثالثْ : بْـمَجَـلـة Assyrian Acadimic Society- 1992 في سـدني ، أكو مقال كاتـْـبَه واحـدْ أسْـتاذ بْجامعة سدني ، يـذكـُرْ بـيه أسماء مطارنة ، واحـد منهُـمْ إسمَه ﮔـورﮔـيس مطران دَزّو إلى النساطرة الكـلـدان ، ولكن بْـيا سنة ؟ ها ؟ بسنة 1490 م ! ، طيّـبْ وينْ ﭽانْ أكـو كـلمة كاثوليك بكـنيسة المشرق بْـذاكْ اليومْ ؟ شنو نساطرة و شنو كـلدان ؟ ماكـو تمـيـيز ؟ بْـذاك الوكـتْ ما ﭽـانْ مولودْ يوحـنان سولاقا ولا هـم يحـزنون .
نجي إلى موضوع آخـر ، حَـضرتـَكْ ذكـَرتْ [ مفهوم الطائفة الكلدانية ، حـصر طائـفي ] ، عَجـيـبْ ! شنو مفـهـوم الطائـفة عـنـدَكْ ؟ هايْ بْيا حاسِبة حـسَبتـْها ؟ أشو ﭽـَمْ نـَـفـَرْ تحْـسبْـهُـمْ شعـب ، لكنْ 800 ألف شَخـص تحْـسبْهُـم طائـفة ! أخاف حاسبْـتـَكْ ما بـيها باتـْري ؟ أخـويْ ، ما يحـتاجْ أحَـلـّـفـَـكْ ولكـنْ بْضَميرَكْ ! حْسابَكْ هـذا صَحـيحْ ؟ لـَيْـكون قــَصْـدَكْ بالـ ( طائـفة ) أهـلْ مدينة الطائـفْ بالسعـودية ؟ تـْسَوّي فـَضـلْ ، عـلى الأقـل يصيرْ إلـَـهُـمْ حـصّة بْـنـَـفـط آلْ سْـعـودْ . طيّـبْ ، و تـﮔولْ حَـضرتـَكْ [ فالتاريخ لا يمكن أن يلغى ببعض السطور لمصالح الب ؟؟؟؟ ] ، آمَـنـّا بالله ولكـنْ جَـنابَـكْ المحـترمْ لغـيتْ التاريخ وْ ﮔــَرايْـبَه وأولاد عَـمّـه ، وْ أنتَ ﮔـاعـدْ بالبـيتْ ، هاذي هَـمْ صايْـرَه ؟؟ وتــْـﮔولْ بْـمَـقالـَـكْ [ فهذه حالة ذهنية للفرد في قبول الواقع أو رفضه ] عـيني ، هاذي ما نـﮔــْـدَرْلــْها ، لازمْ يحْـضَرْ أفـلاطون وْ يفـَسّرْها إلـْـنا ، أشو صارْ بـيها قـبولْ وْ رَفـضْ بْـذهْـن الـواحـدْ وبْـنـَـفـْـس الوَكـتْ ، هايْ شْـلونْ حالة ذهْـنيّة غـريـبة وعـجـيـبة ؟ تـناقـض في مكان واحـد وبوقـتْ واحـد ! . سـيد شـﭘـيرا ، حـتى العَـجايزْ ما يـقـبْـلـَنْ بْـهَـلْ مبـدَأ ، قـبولْ وْ رَفـضْ في آنٍ واحـدْ ؟؟ شْـلونْ يصيرْ ؟ دشوف راجـع المسْـوَدّة مال أوراقــَكْ ، أخاف صايرْ خـطأ بالموضوع ؟ وْ بَـعْـدين تـْـفـَضـّـلتْ وْ ﮔـلتْ من حَـقائـقـَكْ التاريخـية ألـّلي تبَـيّنْ عـنـدَكْ [ بأنه إبتدا من عام 2000 تقريباً بدأت دعوات قومية كلدانية تدعو إلى إعتبار الكلدان قومية مستقلة ] وْ آني أشوفـَكْ عـلى الأكـثر أنتَ بـديتْ هَـلْ أيام تقــْرأ مَلازمْ أو كـُـتـُبْ خارجـيّة من بـداية الألفـية الثالثة اللي حَـضرْتـَك ذكـَرتــْها ، وْ ما بـيها شيْ لأنـّكْ تــَوّكْ بـديتْ وْ هـذا حَـقــّـكْ ، فالله لا يكـلـّـفُ نفـساً إلاّ وسْعَـها ، ولـْـخاطـْرَك هاذي ما راحْ أناقــْـشَـكْ بـيها . ولكـن كـتـَـبتْ بْـمَـقالـَكْ ﭽـَمْ كـلـْـمة وْ آني لا شايفْ مثـلـْها ولا قاري عَـنـْها ، مثـل : [ البحث الموضوعي والتقـصي التاريخي الواقعي ] ربّما هـيّه فـوﮔ مسْـتـَوايا . أمّا حَـﭽـْيَـكْ لـَمّـا تـْـﮔولْ [ وصدرنا مفـتوح وكالعادة لكل الانتقادات ] فـَهاذي ما نـقــْـبَـلـْها منـّـكْ ! ليشْ ؟ لأنْ إحْـنا نـْريـدْ ذهْـنـَكْ مَـفـْـتوح ، لا صَـدْرَكْ ، صَـدْرَكْ شـنـْـسَوّي بـيه .
أمّا موضوعْ الخـلـفـيّة التاريخـية الـّـلي ذكَـرتــْها حَـضرْتـَك [ وتحديداً في شهر كانون أول من عام 1847 ] خـَلـّي آني هَـمْ أجـيـبْـلـَكْ شْوَيّه من التاريخ ، إفــْـتـَح الرابط http://www.st-adday.com/HTML/Chaldean%20Church/Relationship%20with%20The%20Holy%20See.htm يـﮔولْ بْـهـذا الرابط : (( في سنة 1445 عندما اقتـنع المطران المشرقي في قبرص بانحراف التعاليم النسطورية وأرسل صورة إيمانه إلى البابا مطلقا على نفسه لقب مطران الكلدان. وقد أجابه البابا بكتاب يمنع فيه إطلاق لقب نساطرة على كلدان قبرص... فكانت تلك هي المرة الأولى التي يطلق فيها لقب الكلدان على مسيحيي كنيسة المشرق المتحدين بالكرسي الرسولي )) . (( انطلق يوحنا سولاقا مع الوفد المرافق له ليصل روما في تشرين الثاني سنة 1552، فاستقبل بحفاوة بالغة وعُيّن له مكان للإقامة قرب الفاتيكان. وبعد استراحة دامت بضعة أيام، بدأت الإجراءات الرسمية في فحص القضية وفحص شخص يوحنا سولاقا واستقامة إيمانه. وقد استمر ذلك حتى شباط سنة 1553، حين قدم يوحنا سولاقا صورة إيمانه التي على أثرها صدرت بحقه براءة بابوية تعلنه وتثبته بطريرك الموصل على الكلدان. ثم جرت رسامته الأسقفية ثم البطريركية حيث منحه البابا درع الرئاسة، الباليوم، بنفسه وبحضور عدد من الكرادلة والأساقفة )) . هَـسّا شْـلونـَكْ بـيها ؟

بقـلم : مايكـل سـيـبـي / سـدني