ياريت أرجع ياريت

ياريت أرجع لوطني ياريـــــــــت
لأهلي وأحبابي آني أشتاكيــــــــت
لأعز الناس امي الحبيبة حنيـــــت
صدكوني العراق لحضة ما نسيت
بغداد العزيزة والبصرة وتكريــت
ومحافظتي نينوى اللي بيها تربيت
ولشوفة اربيل وديالى أشتهيـــــت
مثل اليتيم هنا بالغربة ظليــــــت
********************
عزيز انت ياوطن وما اكدر انساك
كل دقيقة وكل لحضة عايش وياك
اني ماعندي اسم ولا هوية بليـــاك
شما يصيبك يا وطن من مصايــب
تبقى بكلوبنا بلد الانبياء والعجائـب
ونعيش على ترابك اخوة وحبايــب
لاتفرقة ولاطائفية ولا طلايــــــــب
**********************
صرت بالحلم يا وطن تنشـــــــــاف
ملينا يوميا نجر حصرات باللآلاف
ونصرخ ونكول شلون الوطن ينعاف
شوكت يا وطن جرحك يتعــــــــــاف
ويطلع عدوك اللي خلاك جفــــــــاف
ويرجعون لارضك ابناءك بالــلآلاف
يقودونك ويلزمون بايدهم المجـــداف
يعيشون بخيراتك بعدل وأنصــــــاف
*******************
رعد دكالي