Skip to main content
Facebook Twitter YouTube Telegram

مثل العراق..

مثل العراق مصوفرة ونزفي مطر
وكل زخة اشوفك جاي ..
بضحكة امل مزفوفة لأيامي

مثل العراق مذوبلة..متكحلة بصوبين
وكل صوب خنة بناي..
بعلم وفهم وايمان،ومكسورة اقلامي

مشتاگة اخيم بيك وبخيمة ظفر
والشوگ نهر وجفاه الماي..
وحصوات الجرف مبلولة بجرح دامي

مشتاگة لعيون الصگر، ناطر على نهرين
لهيبة اسد مسعاي..
واشواگي لحضن.. ما ينهش احلامي

مثل العراق مرضرضة ..مسكونة بعمر
وسنين تتكدر بملگاي..
وحادي الجهل حارس على اعدامي

گلبي اللي انچوى يخفگ بنارين
وروحي مسافرة بشكواي..
صاد وضاد شط العرب.. ظنيته بحزامي

ياروح الروح يا كسوة دهر
مذبوح البخت ومعلگ بنجواي..
مثل العراق.. هوسة زلم،ولا زلمة گدامي

ومثل العراق.. غرگانة بلطم خدين
واطرافي مو اطراف هاي..
لا بعثي دمي.. ولا هو علف اسلامي

لا شيعي مني يستقوي بغجر
ولا سني برفسته مولاي..
ولا كردي مشيته لشمال،وتفريس بجنوبه الزامي

ياعشگ ريان بحلم.. يازين
مو مثل العراق ابغيك ويّاي..
منفوش بصدر وبآل.. مالملم عظامي

يابعد الروح ياشمس وفجر
ضمني صدگ وبضمتك ممشاي..
لا سهلي ارتوى ولا درت اغنامي

ضمني حيل..حيـــــــــــــــــــــل.. وأبنيلي بذراعين
صريفة بوطن مبغاي..
وسعفة نخل وأهوار.. تتفگد آلامي

ومثل العراق ..مخنوگة بحبال الصبر
وبسحل الصنم، نذرولي بلواي..
رعيان،عِريان بكل حزب ..ويابختي باصنامي!

ياحبيّب اتمناك نشوة قدر
مو مثل العراق.. حافي ومحتفي بحفاي
عشگي هرم مسحور ..وياسحر العشگ من يفتن اهرامي Opinions
الأرشيف اقرأ المزيد
ظاهرة الخلط المستديم ما بين الأبيض والأسود في بيتنا الكلدواشوري السرياني تأكيدنا هنا هو على ظاهرة الخلط, وهي عيب فكري نمارسه يوميا, ناتج عن إنعكاس تلقائي إمّا لواقع ثقافي مغوّش بسبب عدم نضج أفكار صاحبها , أو لتأثير نفسي وشخصي مباشر يأجج في كيان صاحبه حالة أشبه بالهلوسه ألتي تفقده توازنه جرّاء تزاحم شهواته ورغبته نائب رئيس الجمهورية عادل عبد المهدي : احترام تقاليد الديمقراطية وبناء معارضة حقيقية هو الضمان لتجاوز اي ازمة مستقبلية شبكة اخبار نركال/NNN/ اكد نائب رئيس الجمهورية عادل عبد المهدي ان "بناء واحترام تقاليد الديمقراطية والعمل اغتيال عضو في مجلس محافظة نينوى وثلاثة من مرافقيه في الموصل نركال كيت/الموصل/بلال هاشم/ اغتال مسلحون اليوم الاحد عضو بمجلس محافظة نينوى وثلاثة من مرافقيه جنوبي شرق المدينة وقال مصدر امني لموقعنا ان ( ممتاز محمود الاعرجي ) ممثل الحزب مجلس قضاء الحويجة يستضيف أعضاء من مجلس النواب العراقي ويناقش انخفاض المياه في نهر الزاب شبكة اخبار نركالNNN/كركوك/ احلام راضي/ عقد مجلس قضاء الحويجة والمجالس التابعة له يوم الاثنين الموافق 10/3/2008 اجتماعه الاعتيادي وذلك على قاعة الاجتماعات بمبنى ديوان المحافظة برئاسة حسين علي صالح رئيس مجلس قضاء الحويجة
Side Adv1 Side Adv2