Facebook
Twitter
YouTube
Telegram
مرثية باللغة السريانية على روح عميد الصحافة الآشورية في المهجر المغفور له فريد الياس نزها – بوينس أيرس، الأرجنتين
ܐܘܠܝܬܐ ܥܠ ܪܘܚ ܥܡܘܕܐ ܕܓܠܝܘܢܪܐ ܐܬܘܪܝܐ ܡܢܚܐ ܦܪܝܕ ܐܠܝܐܣ ܢܙܗܝܒܝܕ: ܐܫܘܪ ܕܒܝܬ ܫܠܝܡܘܢ
ܐܘ ܒܢܝ ܐܘܡܬܝ : ܬܘܠܟ̣ܘܢ ܢܒܟ̣ܐ: ܒܡܪܝܪܘܬܐ:
ܥܠ ܡܘܬ ܣܗܕܐ: ܘܐܦ ܡܠܦܢܐ : ܒܡܝܬܪܘܬܐ :
ܦܪܝܕ ܢܙܗܝ : ܗ݀ܘ ܡܗܕܝܢܐ : ܕܐܣܘܪܝܝܘܬܐ :
ܥܪܒܬ ܫܡܫܗ: ܒܝܘܡܐ ܗܢܐ: ܕܒܥܠܝܘܬܐ ܀
ܗܘ ܕܢܨܪ: ܒܚܘܒ ܚܘܝܕܐ : ܘܕܚܐܪܘܬܐ :
ܦܪܫ ݀ܡܢ ܥܡܗ: ܒܫܥܬܐ ܗܕܐ: ܒܬܘܬܒ̣ܘܬܐ:
ܦܪܝܕ ܢܙܗܝ : ܙܗܝܐ ܙܪܝܙܐ : ܡܪܝ ܙܟ̣ܘܬܐ:
ܗܘ ܡܠܦܢܐ: ܗܘ ܟܫܝܪܐ : ܕܠܐ ܫܠܝܘܬܐ܀
ܗܘ ܡܕܒܪܢܐ: ܘܣܦܪܐ ܡܗܝܪܐ: ܕܚܕܢܝܘܬܐ :
ܗܘ ܒܪ ܡܬܐ : ܦܠܚ ܕܠܐ ܫܠܘܐ: ܒܟܫܝܪܘܬܐ:
ܕܠܐ ܥܘܕܪܢܐ: ܒܟܼܠ ܐܘܠܨܢܐ: ܒܐܟܼܣܢܝܘܬܐ:
ܚܙܩ ܒܫܒܝܠܐ: ܦܪܫ ܡ̣ܢ ܓܒ̣ܘܠܝܐ: ܕܦܘܪܫܢܘܬܐ܀
ܦܘܪܫܢܘܬܐ: ܕܝܗܒܬ ܠܐܘܡܬܢ: ܟܠ ܡܚܝܠܘܬܐ:
ܩܪܐ ܠܚܘܝܕܐ: ܒܪܐ ܠܚܘܕܬܐ: ܕܡܬܝܢܘܬܐ:
ܡܬܢܝܘܬܐ: ܕܝܗܒܬ ܠܐܘܡܬܢ: ܟܠ ܢܟ̣ܦܘܬܐ:
ܡܬܐ ܕܐܫܘܪ: ܕܨܡܚܬ ܫܡܫܗ : ܒܟ̣ܠ ܦܢܝܬܐ܀
ܥܠܝܡܐ ܕܩܐܡ: ܒܡܠܦܢܘܬܟ̣ܘܢ: ܗܐ ܐܬܢܗܪܘ:
ܘܡ̣ܢ ܐܣܪܐ: ܕܚܫܟܐ ܕܕܥܒ̣ܪ: ܗܐ ܐܬܚܪܪܘ:
ܘܢܣܒܘ ܡܢܗ: ܟܠ ܝܕܥܬܐ: ܘܠܐ ܐܬܒܨܪܘ:
ܚܕܢܝܘܬܐ: ܫܡܐ ܡܥܠܝܐ: ܗܐ ܐܫܬܪܪܘ ܀
ܒܝܘܡܐ ܗܢܐ: ܫܒܩ ܠܢ ܒܚܫܐ: ܘܪܒ ܢܘܚܐ :
ܡܢܐ ܢܐܡܪ: ܒܓܕܫܐ ܪܒܐ : ܐܘܟܝܬ ܓܘܢܚܐ:
ܗܘ ܢܗܝܪܐ : ܕܓܢܐ ܒܗܪܗ: ܗܐ ܚܫܘܟ̣ܐ:
ܫܟܒ̣ ܒܫܠܡܐ: ܠܝܘܡ ܢܘܚܡܐ : ܐܚܐ ܡܢܚܐ܀
ܫܝܟܓܘ - ܐܘܚܕܢܐ ܡܚܝܕܐ ܕܐܡܝܪܟܐ 1970
